اولا الفرخه ننضفها كويس وننقعها فى ملح وخل شويه
وبعدين نشطفها ونخرمها بالسكينه دى كده عشان تشرب التتبيله ذى الصوره دى
]ونجهز بقى التوابل وهيه حسب رغبتك انا حطيت التوابل دى
(ملح / وفلفل اسود/ و كمون/ وكسبره/وحبهان مطحون/جوز الطيب
/وقرنقل مصحون/ وكارى /وبهارات فراخ / ليمون / وخل )
ونتبل الفرخه كويس قوى ونسيبها تتشرب بالتتبيله ...........
نيجى بقى للخضار
والمقادير
2بصله متوسطه
2 طماطم
1فلفل اخضر حلو او حار حسب الرغبه
1جزر مبشور
2كوب ارز بسمتى او مصرى
2ونص معلقه ملح
1معلقه كارى او كركم
3ملاعق زيت زيتون او كريستال او ذره
2ونص كوب مرقه دجاج
نغسل الرز ونحطه فى الحله وعليه الملح والكركم والزيت ونقلب كويس
ونجهز الخضار المتقطع بصل وطماطم وفلفل وجزر ونحطه على الرز
والمرقه لحد ماتغطى الرز والخضار وزياده زى الصوره كده
وبعدين على الفرن وندخل الحله وعليها الشبكه والفرخه من فوق الشبكه بيد زى الصوره تمام
عشان البخار يسوى الفرخه كويس ونتابعها ونقلبها من الجنبين
وتفضل فى الفرن ساعه كامله لحد ماتستوى كويس ونختبر الفرخه بالسكين لو دخلت بسهوله
يبقى استوت ولو لاء يبقى نستنى شويه المهم ونقلبها عشان تستوى من كل حته
وبعد ماتستوى على الشوايه وتتحمر ونحط الفحمه الشهيره بتاعتنا عشان طعم الشوى
طيب واللى معندوش شبكه ذى دى يعمل ايه بسيطه خالص
نغطى الحله بورق الفويل اللى هو القصديرنعملها طبقتين عشان تستحمل الفرخه
ونخرمها ونحط الفرخه عليها والفرخه هتستوى من البخار ونفس الموضوع بعد التسويه الفحمه
منقول
http://www.soonaa.com/vb/showthread.php?p=49710#post49710
ليست هناك تعليقات:
إرسال تعليق